Ný byrjun...

Sannarlega hefur viljinn verið fyrir hendi að drita hér inn einhverju misgáfulegu öðru hvoru en einhvern veginn verður aldrei af því. En nú reyni ég enn og aftur.

Dagurinn í dag skal vera fyrsti dagur í prógrammi þar sem æfingaáætlun verður fylgt dag frá degi án múðurs, auðvitað með eðlilegum tilfærslum vegna vinnu og þess háttar - en stefnan er að halda plani.

Komum annars heim í Hólm kl. þrjú í nótt eftir yndislega tæpa viku í Köben hjá Tinnu og strákunum. Ansi ljúft verð ég að segja. Fyrsta ferðalag okkar 4ra manna fjölskyldunnar í ansi mörg ár og gaman að heimsækja Tinnu öll saman, þ.a. Sunna í fyrsta skipti. Dagarnir ljúfir og góðir en einhvern veginn verður mér ekki tamara að kveðja með árunum, fór bara að skæla þegar við kvöddum og skæli bara inn í mér áfram þegar ég hugsa til þeirra, sakna þeirra sem sagt smá mikið.

Náðum að sofa aðeins frameftir en svo drifum við okkur út á hjólunum eftir mat, fórum með pakka á pósthús og kíktum svo á marz tútturnar og hrausta hafnarvörðinn og tókum stöðuna á þeim. Allir góðir þar og hlakka ég til að hitta hópinn á sundæfingu kl. sex í fyrramálið og svo takast á við vinnu og verkefni næstu daga sem eru næg m.v. fjölda ólesinna tölvupósta vegna vinnu og bæjarmála.

Skelltum okkur svo aðeins í laugina þar sem ég prufaði sund-bikiníið mitt, tók létta 500m með fit, blöndu af skriði, kick og pull og léttum teygjum og svo potti til að hita upp fyrir nuddtíma sem ég átti seinna í dag. Virkilega næs að láta strjúka úr sér arkið um Kaupmannahöfn síðustu daga og stífan háls eftir flugvéla- og bílasetu í gærkvöldi og nótt.

Tók svo hlaup dagsins skv. MA áætlun - 35mín tempó á bretti, samtals 6,2km og svo létt 500m niðurlabb. Svo er að sjá hvernig maður verður í sundinu í fyrramálið.

Sem sagt fínn dagur eftir gúrmei viku í dk með tilheyrandi smá sukki í mat og drykk. Sund, nudd og smá hlaup - góð byrjun! Kvöldnæringin var svo eggjahræra, tómatar, avocadó, kjúklingaskinka, jalapenos og kotasæla. Mun samt væntanlega þurfa "fyrirsvefninn" máltíð líka ef ég þekki mig rétt.

En allavega, stefni á að reyna að halda dampi hér eitthvað næstu vikurnar, sjáum hvað setur.

íhs